Akeli hi to aayee thi is jahan mein,
Akeli hi tujhe yahan se jaana hain,
Apnon ke chakkar mein kyon rehati ho,
Jab sara jahan tumahara hai.
Apne tumse rooth gaye tho kya,
Paraye bhi to apne ban sakte hai,
Sapnon ko sada sajaye rakhna tum palkon mein,
In sapnon ko kabhi na toot ne do.
Sapne hi tumahare jo toot gaye,
Phir pyaari jeevan kis kaam ki hai,
Hum insaan kuch sochte hain,
Aur Khuda ka iraada kuch aur hi hai.
Woh jab laya hain tumhein is jaahan mein,
Kuch to socha hi hoga tumahare liye,
Sapnon ko kabhi bhikarne na dena,
Sapne hi tumahare apne hai.
Jab aaye hai duniya mein to bas jeena hoga,
Dikhthi bhi koi raah nahin phir bhi humein chalna hoga,
Yeh zindagi hamari hai ek carvan ki tarah,
Koi chod gaya to koi humse jud bhi gaya.
Jo chod gaya uske liye aansoo na barsa,
Par jo jud gaya bas uske liye tu muskura,
Jeevan ka safar hai yeh bas tujhe chalna hoga,
Jis khuda ne banaya tujhe uspar bharosa karna hoga.
Dard bhi aaye jeevan mein to bharosa tujhe rakhna hoga,
Muskurana na chod tu, khushiyon ka daaman na chod tu,
Dukh bhari raat ke baad khushi ke subah aayegi,
Yehi zindagi hai sada khush raho sada khush raho.
Shrini "Deewana"
JOIN US @
http://www.groups.yahoo.com/group/ansh2007/join
Subscribe to:
Post Comments (Atom)
No comments:
Post a Comment